Японы шинэхэн Ерөнхий сайд Санаэ Такаичи ням гарагт /2025.10.26/ гадаад дахь эхний айлчлалаа хийсэн байна. Тэрбээр Малайз улсад болж буй Зүүн өмнөд Азийн орнуудын холбоо (ASEAN) болон Японы дээд хэмжээний уулзалтад оролцож байгаа юм.
Такаичи Зүүн өмнөд Азийн хэд хэдэн удирдагчтай хувийн уулзалт хийсэн байна. Тэрбээр Филиппиний Ерөнхийлөгч Фердинанд Маркос Жуниортой уулзаж, хоёр орон батлан хамгаалахын хамтын ажиллагааг бэхжүүлэхээр тохиролцжээ. Такаичи хэлэхдээ эрх чөлөөтэй Энэтхэг-Номхон далайн бүсийн төлөө стратегийн чухал түншүүдтэйгээ харилцаагаа гүнзгийрүүлэхээ амласан байна. Энэ бодлогыг Ерөнхий сайд агсан Абэ Шинзо дэмдэг байсан билээ.
Ням гарагийн орой Такаичи Малайзын Ерөнхий сайд Анвар Ибрахим, Австралийн Ерөнхий сайд Энтони Албанизтэй уулзалт хийжээ. Тэрбээр хийсэн уулзалт бүрдээ аюулгүй байдлын асуудлыг хөндсөн байна. “ASEAN”-ны уулзалтад оролцсон нь Зүүн өмнөд Ази нь Японы аюулгүй байдал, эдийн засгийн хувьд чухал бүс нутаг гэж үзэж байгааг харууллаа гэж Япон шинжээчид үзэж буй.
Эх сурвалж: Japan Today
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ эмэгтэй ч жинхэнэ төмөр хүн болотой. Царайг нь хараад л шууд айв.
Долигонож байгаа царай нь энэ байх даа