АНУ-ын Ерөнхийлөгч Доналд Трамп Гринландыг авах гэсэн оролдлого нь Нобелийн энх тайвны шагналыг хүртээгүй явдалтай холбожээ. Тэрбээр энх тайвны шагнал авах хүсэлтэй гэдгээ хэд хэдэн удаа илэрхийлж байсан билээ. Одоо Трамп зөвхөн энх тайвны талаар бодохоо больсон гэсэн байна.
Тодруулбал Трамп Норвегийн Ерөнхий сайд Йонас Гар Сторе руу “Найман дайныг зогсоосон надад танай улс Нобелийн энх тайвны шагнал олгохгүй байхаар шийдсэнийг харгалзан үзээд зөвхөн энх тайвны талаар бодох үүрэг мэдрэхээ больсон. Энх тайван тогтоох эн тэргүүний зорилго хэвээр байх ч гэсэн одоо АНУ-ын тусын тулд юу хийж болох вэ гэдгээ бодно” хэмээн бичжээ.
Трамп НАТО-гийн гишүүн Дани улсаас Гринландыг авах шахалтаа эрчимжүүлсэн. Тэрбээр бямба гарагт /2026.01.17/ Европын найман оронд нэмэлт гаалийн татвар онооно хэмээн сүрдүүлж, Гринландыг худалдан авах зөвшөөрөл өгтөл тариф хэрэгжинэ гэсэн юм. Трамп Гринландыг хүчээр нэгтгэхийг үгүйсгээгүй ч “NBC News”-тэй ярилцахдаа хүч хэрэглэхээс эсэх дээр мэдээлэл өгөхөөс татгалзсан байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
zunug,teneg nobsh
Ха ха яана даа