ОХУ-ын нийслэл Москвад их хэмжээний цас орсон байна. Фобос цаг уурын агентлагийн ахлах цаг уурч Евгений Тишковец хэлснээр ням гарагаас /2026.04.26/ даваа гарагт /2026.04.27/ шилжих шөнө 21 мм хур тунадас оржээ. Түүний хэлснээр дөрөвдүгээр сарын 27-нд ийм их хэмжээний цас орсон тохиолдол түүхэнд байхгүй аж.
Орсон цасны улмаас Москвад моднууд унасан тул цахилгаан дамжуулагч утаснууд тасарч, тус хотын ойролцоо оршдог 50 гаруй тосгон цахилгаан эрчим хүчгүй болсон байна. Цаг агаарын таагүй байдлын улмаас зарим нисэх онгоцны буудал түр хугацаанд нислэгүүдээ зогсоожээ. Москвагаас гадна ОХУ-ын хэд хэдэн бүсэд их хэмжээний цас орсон учир 76 мянга орчим хүн цахилгаан эрчим хүчгүй болсон гэж онцгой байдлын алба мэдэгдсэн байна. Самара хотод хүчтэй шуурснаас болж мод унаж гурван хүн амь үрэгджээ. Орон нутгийн албан тушаалтнууд хүчтэй шуурга хоёр хоног үргэлжилж магадгүй гэж анхааруулсан юм.
Эх сурвалж: The Moscow Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Путины тэнэглэлийг Бурхан гэсгээж бгаа юм бнаа !
Харин эсрэгээрээ юм биш үү