Өдрийн сурвалжилга: Иргэд энгийн АИ-92 шатахууныг нэгээс гурван цаг дараалалж авч байна
Аж үйлдвэр, эрдэс баялагийн яамнаас өдөр тутам Монгол Улсын хилээр орж ирж буй шатахууны талаарх мэдээллийг өгч буй. Ингэхдээ "ШТС-уудад нийлүүлэлт хэвийн явагдаж байгаа. Нөөц хангалттай хэмжээнд бий. Ямар нэгэн дараалал байхгүй" хэмээн мэдэгддэг.
Видео:
Тэгвэл бодит байдал дээр нөхцөл байдал ямар байгаа талаар бид сурвалжиллаа. Баянгол дүүргийн 23-р хороо Зурагтын шинэ эцэсийн зам дагуу байрлах "Super-92" ШТС энгийн АИ-92 автобензин олгож байгаа юм. Тус ШТС 40-50 машины дараалал үүсжээ.
Харин "Super-92" ШТС-ээс холгүй евро-92 шатахуун өгч буй газруудад дараалал огт алга. Учир нь энгийн буюу АИ-92 автобензин нь евро-92 шатахуунаас үнэ хямд учир иргэдийн дунд эрэлт ихэсжээ. Тухайлбал, одоогоор энгийн АИ-92 ₮3040 бол евро-92 ₮4,950 худалдаалагдаж буй юм.
Энэ талаар жолоочдоос тодруулахад "Евро-92 автобензин үнэтэй учраас энгийн АИ-92 шатахуун өгч байгаа газар хайж явсаар ирлээ. Энгийн АИ-92 өгч байгаа хэдхэн л газар байх шиг байна. Тэр нь дараалал ихтэй нэгээс гурван цаг зогсож байж авдаг. Хэвийн болно гээд байгаа хэр нь өмнөх шигээ болсон зүйл алга" гэлээ.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.