"Хэро интертайнмент" ХХК-ийн гүйцэтгэх захирал, найруулагч Б.Баатарт хилийн хориг тогтоож, мөрдөн шалгахаар болсон. Тодруулбал, шүүхээс хэргийн материалд цугларсан нотлох баримтууд, шүүхийн хэлэлцүүлэгт гаргасан прокурор, өмгөөлөгчийн гаргасан санал зэрэгтэй танилцаад яллагдагчид эрүүгийн хэрэг хянан шийдвэрлэх ажиллагаанд саад учруулахгүй байх түүнийг дахин гэмт хэрэг үйлдэхээс урьдчилан сэргийлэх зорилгоор прокурорын саналыг хүлээн авч, яллагдагч Б.Баатарт энэ сарын 25-наас эхлэн хилээр гарахыг хязгаарлах таслан сэргийлэх арга хэмжээ авч шийдвэрлэсэн.
Улмаар Б.Баатар энэхүү хязгаарлалт тогтоох таслан сэргийлэх арга хэмжээг эс зөвшөөрч, Дүүргийн Эрүү, Иргэний хэргийн хялбар ажиллагааны анхан шатны шүүхийн Ерөнхий шүүгчид гомдол гаргасан бөгөөд тус гомдлыг шүүх өнөөдөр |2026.10.01| хэлэлцлээ.
Ямар шийдвэр гарсан талаар шүүхээс тодруулахад "Б.Баатарын гомдлыг хүлээн авахаас татгалзаж, түүний хилийн хоригийг хэвээр үлдээсэн" хэмээсэн юм.
Холбоотой мэдээллийг дараах линкүүдээс унших боломжтой.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.