Мэргэжлийн хяналтын байгууллагаас "Олон улсын хүүхдийн эрхийг хамгаалах өдөр”-ийг угтан зохион байгуулж буй хяналт, шалгалтын талаар мэдээлж байна.
НМХГ-ын Эрүүл мэнд, боловсрол соёлын хяналтын хэлтсийн дарга Д.Цэнд-Аюуш “Олон улсын хүүхдийн эрхийг хамгаалах өдрийг угтаж 309 аж ахуйн нэгж байгууллага, 140 иргэн нийт 449 газрыг хамруулан хяналт шалгалт хийсэн. Шалгалтаар 559 зөрчлийг илрүүлснээс 394 буюу 73.7 хувийг газар дээр нь арилгуулсан. Хадгалалтын горим алдагдсан есөн төрлийн бүтээгдэхүүнүүдийг устгаж, 30 ААН-д 28 сая 900 мянга, 35 иргэнд 8 сая 650 мянга буюу нийт 37 сая 550 мянган төгрөгийн шийтгэлийн арга хэмжээ авсан. Алтан-жолоо импекс ХХК-ий “Сансар сүлжээ”, “Хоум Плаза” ХХК, “Нано интернэйшнл” компаниудын оруулж ирдэг чихрийн шошгын зөрчлийг илрүүлж, буцаан татуулсан байна. Коронавируст цар тахлын үед импортын бараа бүтээгдэхүүний нийлүүлэлт багасаж, хүмүүсийн худалдан авалт буурсан. Үүнтэй холбоотой хугацаа дууссан бараа бүтээгдэхүүн ихэсч байгаа тул иргэд хаяг шошгыг сайтар харж сонголтоо хийхийг анхааруулж байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.