Өнгөрсөн сарын сүүлээр БЗД-ийн есдүгээр хорооны нутаг дэвсгэрт нэгэн айлд гал гарчээ. Улмаар дотор байсан гэр бүлийн хоёр хүний амь нас дээсэн дөрөөн дээр байхад өсвөр насны хоёр хүү эр зориг гаргаж тэднийг галаас аварсан байна. Хүүхдүүд тухайн үед гал гарч байсан айлын хажуугаар өнгөрч явахдаа гал гарч буйг анзааран ийн тусалжээ.
-УРД АЙЛААС ТУСЛАМЖ ГУЙХААР ОРСОН БОЛОВЧ, ХҮМҮҮС НЬ АРХИ УУГААД ТАСАРЧИХСАН БАЙСАН-
Хүүхдүүд юм шатах хиншүүг анх хараад айл хогоо шатааж байна гэж бодсон ч, галын дөл өндөрт харагдаж байсан учир очиж хараад, аварсан байна. Хүүхдүүд угаартаж, ухаан самуурсан хоёр хүнийг өргөж дийлэхгүй байсан тул урд хөршөөсөө тусламж гуйтал, архи уугаад тасарчихсан байжээ.
-ХҮҮХДҮҮД ИРЭЭДҮЙД МЭС ЗАСЛЫН ЭМЧ, ОПЕРАТОР БОЛОХЫГ ХҮСДЭГ-
Тэдгээр сурагчид БЗД-ийн 92-р сургуульд суралцдаг 13 настай А.Азжаргал, тус дүүргийн 79-р сургуульд суралцдаг 17 настай Б.Анхбаяр нар байна. Тэд ирээдүйд мэс заслын эмч, оператор болохыг хүсдэг аж.
Эх сурвалж: Live tv
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ямар мундаг юм бэ .
Айхаа мэдэхгүй , ёстой л гэнэн хүүхдээрээ , зоригтой хөвгүүд ! Баярл�##�аа !