ЭМЯ коронавирусийн халдварын талаарх өнөөдрийн ээлжит мэдээллээ хийлээ.
ХӨСҮТ-ийн Тандалт судалгааны албаны дарга А.Амбасэлмаа: Өчигдөр буюу наймдугаар сарын 07-нд 595 хүнд шинжилгээ хийхэд коронавирус илрээгүй. Үүнд, Афганистанаас ирсэн 57 цэрэг дайчид, тусгаарлах байран дахь иргэд, Алтанбулаг боомтоор орж ирсэн жолооч нар, Төмөр замын 13 ажилтны шинжилгээнээс тус тус коронавирус илрээгүй.
Манай улсад батлагдсан тохиолдол 293 хэвээр байна. Үүнээс 260 хүн эдгэрсэн. Нэг хүний биеийн байдал маш хүнд байдалтай, ХӨСҮТ-д элэгний хатуурал, бөөрний дутагдалтай гэсэн оноштой байна.
Өчигдрийн тусгай үүргийн онгоцоор ирсэн иргэдийн шинжилгээ өнөөдөр хийгдэж байна гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.