ЭМЯ-ны өнөөдрийн ээлжит мэдээллийн үеэр ХӨСҮТ-ийн Тандалт судалгааны албаны дарга А.Амбасэлмаа дараах мэдээллийг өглөө.
Тэрээр, өчигдөр /2020.08.13/ нийт 462 хүнд шинжилгээ хийсэн. Бүх шинжилгээнд халдвар илрээгүй. Үүнд:
- Сатл-Улаанбаатар чиглэлийн онгоцоор ирсэн 253 хүний
- Шинэ-Дели-Улаанбаатар чиглэлийн онгоцоор ирсэн 165 хүний
- Тусгаарлалтад байгаа 5 хүний
- Цэргийн төв эмнэлэгт хэвтсэн 9 хүний
- Алтанбулаг боомтоор орж ирсэн 22 жолоочийн шинжилгээ багтаж байна.
Өнөөдрийн байдлаар Монголд 297 тохиолдол зөөвөрлөгдөж, бүртгэгдсэн байна. Үүнээс 269 хүн эдгэрэн гараад байна. Эмчлэгдэж байгаа 28 хүн байгаа бөгөөд хоёр хүний биеийн байдал хүндэвтэр байна.
