НИЙГЭМ

Засаг дарга Т.Баясах сургуулийн захирлуудтай уулзлаа

Хичээлийн шинэ жил эхлэх гэж байгаатай холбогдуулан Баянзүрх дүүргийн Засаг дарга Т.Баясах, Засаг даргын орлогч Д.Уламбаяр нар дүүргийн хэмжээнд үйл ажиллагаа явуулж буй төрийн өмчийн сургуулийн захирлуудтай уулзалт хийлээ. Уулзалтын эхэнд төрийн өмчийн сургуульд хамрагдалтын хувь болон урсгал засварын явцтай танилцаж 9 дүгээр сарын нэгний өдрөөс өмнө ариутгал, халдваргүйтгэлийг стандартын дагуу хийх чиглэл өгөв.

Түүнчлэн шинэ төрлийн коронавирусийн халдварын тархалтын үед цахим болон танхимын сургалтыг хослуулан нэг ангид 20-25 хүүхэд суралцаж, 1-1,5 метрийн зайтай сууж хичээллэх юм. Мөн энэ онцгой нөхцөл байдалд ангийг хоёр хувааж, эхний групп 08 цагаас 10 цаг 30 минут хүртэл хичээллэх бол дараагийн групп 11 цагаас 13 цаг 30 минут хүртэл хичээллэхээр зохицуулж байгаа аж хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button