ХӨСҮТ-ийн Тандалт, судалгааны албаны дарга А.Амбасэлмаа дотоод дахь халдвар нөхцөл байдлын талаар мэдээлэл өглөө.
Тэрбээр “Есдүгээр сарын 3-нд ХӨСҮТ хоёр, ЗӨСҮТ, Дархан-Уул аймгийн лабораторид 537 хүнд шинжилгээ хийсэн. Үүнээс 533 хүний шинжилгээнд коронавирус илрээгүй. Харин дөрвөн хүний шинжилгээнд коронавирус илэрлээ. Энэ нь есдүгээр сарын 2-нд Сиэтл-Улаанбаатарын онгоцоор ирсэн 83, 63, 84, 57 настай дөрвөн эмэгтэйн шинжилгээнд коронавирус батлагдлаа. Үүнд:
- Есдүгээр сарын 2-нд Сиэтл-Улаанбаатарын онгоцоор ирсэн 250 хүн
- Алтанбулагийн боомтоор орж ирсэн ачаа тээврийн 33 жолооч
- Тандалтын 5 хүний
- Наймдугаар сарын 20-нд Хонг Конг-Улаанбаатарын онгоцоор ирсэн 159 хүний давтан шинжилгээ
- ХӨСҮТ-д тусгаарлагдсан 5 хүний давтан шинжилгээ
- Дорнод аймагт тусгаарлагдсан 47 хүний давтан шинжилгээ
- Тусгаарлах байрны 29 хүний давтан шинжилгээ
- Өмнөговь аймагт тусгаарлагдсан 2 хүний шинжилгээ
- Сувилалд тусгаарлагдсан 3 хүний шинжилгээнд коронавирус илрээгүй.
Ингээд Монгол Улсад батлагдсан тохиолдол нийт 310 боллоо. Үүнээс 296 хүн эдгэрсэн. ХӨСҮТ-д өнөөдрийн байдлаар 14 хүн эмчлэгдэж байна. 13 хүний биеийн байдал хөнгөн, нэг хүний биеийн байдал хүндэвтэр байна” гэлээ.
