СПОРТ

“Aurora E-goal” хөтөлбөрт Монгол улсаас гурван залуу тоглогч хамрагдана

“Aurora E-goal” хөтөлбөрт Монгол улсаас гурван залуу тоглогч хамрагданаАХБХ-ноос Нийгмийн хариуцлагын ажлын хүрээнд гишүүн холбоодынхоо өсвөрийн шилдэг хөл бөмбөгчдийн дунд “Aurora E-goal” хөтөлбөрийг хэрэгжүүлж эхлээд байна. Уг хөтөлбөр нь шилдэг, залуу хөл бөмбөгчдөд нийгмийн асуудлуудаар боловсрол олгож, тэднээр дамжуулан нийгэмд хөл бөмбөгийн спортын нэр хүндийг нь дээшлүүлж, олон улсад сайн хамтын ажиллагааг буй болгох зорилготой хөтөлбөр юм.

Уг хөтөлбөрт гишүүн орон бүрээс 2003-2004 онд төрсөн, улсынхаа өсвөрийн шигшээ багт тоглож байсан нэг эрэгтэй, нэг эмэгтэй тоглогч оролцох бөгөөд, 5 долоо хоногийн турш, долоо хоног бүр 3 удаа онлайн сургалтад хамрагдаж, хөтөлбөрийн төгсгөлд “AFC Young Football Ambassador” болно. Энэхүү залуу элч нар цаашид хөл бөмбөгийн нийгмийн хариуцлагын асуудлуудаар олон төслүүдийг санаачлан хийх боломжтой бөгөөд, тэдний идэвхтэй оролцоо нь гишүүн холбоодын нийгмийн хариуцлагын түвшинг олон улсад харуулах юм.

Монгол Улсаас 5 нэр дэвшигчийг санал болгосон бөгөөд 2019 оны хөвгүүдийн U16 шигшээ багийн хагас хамгаалагч З.Лхагва, охидын U16 багийн хагас хамгаалагч С.Удвал, Энхжин нар уг хөтөлбөрт хамрагдахаар шалгарлаа. Улмаар 2020 оны есдүгээр сарын 19-ний 15.00 цагт болсон “Aurora E-goal” хөтөлбөрийн АХБХ-ны Зүүн бүсийн нээлт болж манай хүүхдүүд амжилттай оролцов гэж Монголын хөлбөмбөгийн холбооноос мэдээлэв.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button