Эрүүл мэндийн яам болон холбогдох албаныхан COVID-19 цар тахлын нөхцөл байдлын талаар мэдээлэл хийлээ.
Энэ үеэр ХӨСҮТ-ийн ерөнхий захирал Д.Нямхүү "Сүүлийн 1281 хүнд шинжилгээ хийхэд нэг хүнээс халдвар илэрлээ. Тухайн иргэн нь аравдугаар сарын 4-ны өдөр ОХУ-аас ирсэн ачааны машины жолооч юм. Бидэнд нэг сайн мэдээ байна. Есдүгээр сарын 2-нд Сиатлаас ирсэн эмэгтэй эдгэрч гарлаа.
Ингээд манай улсад коронавирусийн халдварын батлагдсан 315 тохиолдол байна. Үүнээс 308 хүн эдгэрчээ. Одоо ХӨСҮТ-д коронавирусийн халдвар авсан 7 хүн эмчлүүлж байгаагаас 6 нь хөнгөн, 1 хүний биеийн байдал хүндэвтэр байна” гэсэн юм.
Э.СИЙЛЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.