Эмийн ургамал түүхээр гэрээсээ гараад сураггүй болсон эрэгтэйн цогцосыг олсон байна.
Тодруулбал, Дорнод аймгийн Баян-Уул сумын Заяат багийн “Ар хонхор” гэдэг газар /аймгийн төвөөс зүүн хойд зүгт 220 км-т, сумын төвөөс зүүн зүгт 20 км-т/ Тус сумын харьяат иргэн Т /51 настай, эрэгтэй, сэтгэцийн эмгэгтэй/ 09.23-ны өдрийн 10:00 цагийн орчим эмийн ургамал түүнэ гэж гэрээсээ явганаар гарч яваад сураггүй болжээ.
Улмаар энэ тухай дуудлага мэдээллийг аравдугаар сарын 06-ны өдрийн 13:10 цагт хүлээн авсан байна.
Аравдугаар сарын 08-ны өдрийн 12:00 цагт Заяат багийн “Хужирт хааны адаг” гэдэг газраас /сумын төвөөс зүүн хойд зүгт 13 км/ иргэн Т /51 настай, эрэгтэй/-гийн цогцсыг олж, Цагдаагийн байгууллагад хүлээлгэн өгсөн ажээ.
Эх сурвалж: ОБЕГ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.