Нийгмийн
Л.Амбасэлмаа: Ойрын хавьтлуудын үлдсэн шинжилгээнд коронавирус илрээгүй
ЭМЯ-наас ХӨСҮТ-тэй хамтран 17.00 цагийн ээлжит мэдээллээ өглөө.
Энэ үеэр ХӨСҮТ-ийн тандалт судалгааны албаны дарга Л.Амбасэлмаа, “Өглөөний мэдээлэл дээр арваннэгдүгээр сарын 11-нд батлагдсан дөрвөн тохиолдлын ойрын хавьтал болох 73 хүний 48-ынх нь шинжилгээнээс нэг коронавирус илэрсэн талаар зарласан.
Тэгвэл үлдсэн 25 хүний шинжилгээнд коронавирус илрээгүй байна. Харин илэрсэн нэг тохиолдлын ойрын 36 хавьтлыг илрүүлж, шинжлэх ажлыг зохион байгуулж байна.
Мөн 11-нд батлагдсан тохиолдлын 219 дам хавьтлын шинжилгээг хийхэд коронавирус илрээгүй. Харин 12-нд батлагдсан нэг тохиолдлын 99 дам хавьтлыг олж шинжилсэн, шинжилгээний хариу хараахан гараагүй байна” гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.