НИЙГЭМ
Гурван голомт бүхий ДОТООДЫН ХАЛДВАРЫН тоо 12 боллоо
Дөнгөж сая ЭМЯ-наас шинэ коронавируст халдварын талаарх цаг үеийн ээлжит мэдээллээ өгч дууслаа. Үүгээр өчигдөр хийсэн шинжилгээнээс зургаан коронавирус илэрсэн талаар зарласан.
Энэ зургаад ХӨСҮТ-ийн хоёр эмч ажилтан, Сэлэнгэ аймгийн оршин суугч гурван иргэний шинжилгээ багтаж буй. Харин үлдсэн нэг нь жолооч Д-гийн ойрын хавьтлаас илэрсэн юм.
Үүгээр хүн ам дундаас бүртгэсэн халдваруудыг жагсаавал:
- ХӨСҮТ-ийн дөрвөн эмч, ажилтан
- Жолооч Д
- Түүний эхнэр, ээж, дүү
- Жолооч Д-гийн дүүгийн найз гэх МУБИС-ийн оюутан
- Сэлэнгэ аймгийн оршин суугч 74 настай эмэгтэй
- Түүний бэр болон ач, нийт 12 тохиолдол болж байна.
Эдгээр нь ХӨСҮТ-ийн ажилчид, Жолооч Д, Сэлэнгэ аймаг гэсэн гурван голомтын хүрээнд яригдаж байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.