НИЙГЭМ

Сэлэнгэ аймагт ажиглалтад байсан эх амаржиж хүүтэй болжээ

Сэлэнгэ аймгийн онцгой комиссоос ээлжит (2020.12.11) мэдээллээ хийлээ. Мэдээллээр Сэлэнгэ аймгийн Засаг дарга Ш.Оргил: “Нэг өрх – нэг иргэн” шинжилгээ авах үйл ажиллагаа өнөөдрөөс /2020.12.11/ Сүхбаатар сумын хэмжээнд эхэлж байна. ХӨСҮТ-ийн 40 эмч, инженер техникийн ажилчид Сүхбаатар суманд ирж шинжилгээ авах 20 цэгт хүч нэмэн ажиллаж байна. Манай аймагт нэг тохиолдол шинээр нэмэгдсэн. Энэ хүн Сүхбаатар сумын 3-р багт амьдардаг 30 настай эмэгтэй. Өмнөх тохиолдлын ойрын хавьтал.

Одоогоор аймгийн хэмжээнд 37331 хүнийг түргэвчилсэн оношлуураар, 12987 хүнийг PCR-ийн шинжилгээнд хамруулаад байна. Нийт 22 автобусаар 900 гаруй хүн, хувийн машинаар 357 хүн Улаанбаатар хот болон бусад хөдөө орон нутгаас ирээд байна. Сүхбаатар суманд ажиглалтанд байсан эх амаржиж хүүтэй боллоо. Аймгийн иргэд өрхийнхөө нэг гишүүнийг шинжилгээнд хамруулаарай гэж хүсье” гэв.

О.ЭНЭРЭЛ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button