УОК-оос мэдээлэл хийлээ.
Энэ үеэр шадар сайд С.Амарсайхан “УОК, Засгийн газрын шийдвэрээр улаан түвшинд 15 хоног шилжиж, өнөөдрөөс мөрдөж эхэлсэн. ХӨСҮТ, ЭМЯ-наас эрдэмтдийн зөвлөл тооцоо хийж, эрсдлийн үнэлгээ хийж, хатуу хөл хорио тогтоох саналыг дэмжүүлсэн. Тиймэс хатуу хөл хориог үр дүнтэй өнгөрүүлэхийг хүсч байна.
ЭМЯ-наас вакцинжуулалт хийж болохгүй гэсэн зөвлөмж өгсөн. Вакцины нөөц тасраагүй. Өнөөдөр 192 мянган тун вакцины нөөц байна. 19 аймагт халдвар тарсан. Тиймээс вакцинжуулалт явуулах нь дэгдэлтийг нэмэгдүүлэх эрсдэлтэй байгаа. Хөл хориог ач холбогдолгүй болгох эрх төр засагт байхгүй. Тиймээс ийм шийдвэр гарсан.
Эхний тун хийгдсэн 864 иргэн халдвар авсан тоон мэдээ байна. Тиймээс 25-наас вакцинжуулалтаа эрчимжүүлнэ. Вакцины нөөц байгаа ч гэсэн 4-р сарын 9-нд орж ирэх 300 мянган тун, 12-нд орж ирэх 300 мянган тун вакцины тээвэрлэлтийн хугацаа тодорхой хугацаагаар хойшилсон. Бид иргэдээсээ нууж байгаа зүйл байхгүй” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Юугий нь нуудаг юм бэ. Вакцин тасарсан гэдгээ үнэнээр хэлээд, иртэл нь 14 хоног тайван байгаарай гэж зарлаач.