Нийгмийн

Хөдөлмөр, нийгмийн хамгааллын сайд Чингэлтэй дүүрэгт ажиллалаа

Гамшгаас хамгаалах бүх нийтийн бэлэн байдлын зэрэгт шилжсэн энэ хугацаанд Коронавирус халдвараас урьдчилан сэргийлэх, тэмцэх чиглэлээр Засгийн газар болон Улсын онцгой комиссоос гаргасан шийдвэрийн хэрэгжилт, батлагдсан тохиолдлын гэрийн эмчилгээ, тусламж үйлчилгээ, гудамж болон зам талбай, байр орон сууц, обьектын халдваргүйжүүлэлтийн байдалд хяналт тавих ажлын хэсэг байгуулагдсан.

Уг удирдамжийн дагуу Чингэлтэй дүүргийг хариуцсан ажлын хэсгийн ахлагч Хөдөлмөр, нийгмийн хамгааллын сайд А.Ариунзаяа, нарийн бичгийн дарга Хөгжлийн бэрхшээлтэй хүний хөгжлийн газрын дарга Э.Тамир нар Чингэлтэй дүүрэгт ажиллалаа.
Ажлын хэсгийн бүрэлдэхүүн дүүргийн Онцгой комиссын дарга бөгөөд Засаг дарга Н.Батсүмбэрэлтэй уулзаж нөхцөл байдлын мэдээллийг сонслоо.

Чингэлтэй дүүргийн хэмжээнд өнөөдөр /Ковид-19/-ийн PCR шинжилгээний нэг цэгээр 545 иргэнийг шинжилгээнд хамруулсан байна. Халдварын эсрэг дархлаажуулалтын цэг ОБЕГ-ын “Аврагч” спорт хороонд байрлаж 60-аас дээш насны зорилтот бүлгийн иргэдийг дархлаажуулалтад хамруулан ажиллаж байна. Өнөөдөр 1-6 хорооны 75 иргэнийг хамрууллаа.

Ажлын хэсэг дүүргийн Шуурхай штаб болон 50 дугаар сургууль дээр байрлах шинжилгээний цэг, дархлаажуулалтын цэгүүдийн нөхцөл байдалтай газар дээр нь очиж танилцлаа.
Мөн батлагдсан тохиолдлын гэрийн эмчилгээ, тусламж үйлчилгээг дүүрэг, хорооны өрхийн эрүүл мэндийн төвүүд хэрхэн зохион байгуулж буй байдал чанар хүртээмжийн талаар Чингэлтэй дүүргийн Онцгой комиссын орлогч дарга бөгөөд Шуурхай штабын дарга Х.Алтаншагай танилцууллаа.

ЧИНГЭЛТЭЙ ДҮҮРГИЙН ОНЦГОЙ КОМИСС

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-04-13 15:23

Худлаа авгай

Холбоотой мэдээ

Back to top button