ДЭМБ Синофармын вакцинд яаралтай горимд ашиглах зөвшөөрөл олголоо
Баасан гарагийн (2021.05.07) орой ДЭМБ, Синофарм компанийн вакцинд яаралтай горимд ашиглах зөвшөөрөл олгосон байна. Ингэснээр Синофармын вакцин ДЭМБ-аас баталсан, Барууны оронд үйлдвэрлээгүй анхны вакцин боллоо. Өмнө нь ДЭМБ “Pfizer”, “AstraZeneca”, “Johnson&Johnson” болон “Moderna” компанийн вакциныг баталсан билээ.
ДЭМБ-ын ерөнхий захирал Тедрос Адханом Гебрейесус хэлэхдээ “Ингэснээр COVAX хөтөлбөр худалдан авж болох “КОВИД-19”-ийн эсрэг вакцины жагсаалт нэгээр нэмэгдэж, олон орнуудад өөрсдөө тус вакциныг батлан импортоор оруулж ирээд хэрэглэх боломж нээгдлээ” гэсэн байна.
Синофарм компанийн вакциныг батлах ажил дөрөвдүгээр сарын 26-наас эхэлсэн бөгөөд ДЭМБ-ын зөвлөх бүлэг клиникийн туршилтын тоо баримт, болон вакцинаа үйлдвэрлэх арга барилыг шалгаж үзжээ. ДЭМБ-ын Стратегийн зөвлөх шинжээчдийн бүлэг тус вакциныг 18-аас дээш насныханд тарихыг зөвлөсөн аж.
Эх сурвалж: BBC
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.