Оросын шууд хөрөнгө оруулалтын сан шинэхэн судалгаагаар Спутник-V вакцин Бразилд анх илэрсэн коронавирусийн хувилбарын эсрэг сайн үйлчилдэг гэдгийг илрүүлснээ мэдэгджээ. Тус судалгааг Аргентинд явуулсан аж. Бразилд анх илэрсэн коронавирусийн хувилбарын “P1” гэдэг бөгөөд цар тахалд хүнд нэрвэгдсэн Латин Америкийн улсуудад их тархсан байна.
Бразил улсын эрдэмтэд “P1” төрөлд үүссэн мутаци нь эсрэг биед илүү тэсвэртэй болгож магадгүй талаар мэдээлсэн аж. Тэрхүү судалгааг Кордова үндэсний их сургуулийн вирус судлалын хүрээлэн явуулжээ. Судалгааны үр дүнг Оросын шууд хөрөнгө оруулалтын сан мэдэгдэхдээ “Тус судалгаа нь Спутник V вакциныг тариулсан хүмүүст тогтсон дархлаа Бразил төрлийн эсрэг хамгаална гэдгийг харууллаа” гэсэн аж.
Спутник V вакцины хоёр дахь тунг тариулсан хүмүүсийн 85.5 хувьд нь Бразилд бүртгэгдсэн хувилбарыг саармагжуулах эсрэг бие үүссэн байна.Харин 42 хоногийн дараа туршилтад оролцсон бүх хүмүүст эсрэг бие үсжээ.
Эх сурвалж: Reuters
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.