НИЙГЭМ

Дотоод хэргийн их сургуульд “Хууль зүйн клиник” сургалтын төв шинээр байгуулагдлаа

Канад Улсын Засгийн газрын санхүүжилтээр Олон Улсын эрх зүйн хөгжлийн байгууллага “Монгол Улсад жендерт суурилсан хүчирхийлэлтэй тэмцэх үйл ажиллагааг бэхжүүлэх” төслийн хэрэгжүүлж байна. Төслийн хүрээнд өнөөдөр Дотоод Хэргийн Их сургуульд “Хууль зүйн клиник” сургалтын төвийг шинээр нээлээ. Энэхүү сургалтын төв нь гэр бүлийн хүчирхийллийн хохирогчид анхан шатны эрх зүйн зөвлөгөө, мэдээллийг өгөх юм.

Хууль зүйн клиник сургалтын төвийн нээлтийн үйл ажиллагаанд Канад Улсаас Монгол Улсад суугаа Онц бөгөөд Бүрэн эрхт Элчин сайд Катрин Э.Ивкоф, Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл, Дотоод Хэргийн Их Сургуулийн захирал, доктор, профессор, цагдаагийн хурандаа П.Батбаатар болон бусад албаны хүмүүс оролцлоо.

Өнгөрсөн оны 11 дүгээр сард Дотоод Хэргийн Их сургууль “Хууль зүйн клиник” хичээлийн хөтөлбөрийг боловсруулан батлуулж танхимаар болон цахимаар хичээл орж эхэлсэн. Танхимын хичээлд Цагдаагийн  сургуулийн 26 сонсогч, Эрх зүй, нийгмийн ухааны сургуулийн 67 сонсогч хамрагдаад байгаа юм. Хууль зүйн клиник сургалтын төвийн байгуулснаар оюутнууд үйлчлүүлэгчид гэр бүлийн хүчирхийллийн асуудлаар эрх зүйн анхан шатны зөвлөгөө, мэдээлэл өгөх улмаас хохирогчид эрх зүйн тусламж авах хүртээмжийг сайжруулж, энэ талаарх иргэдийн эрх зүйн ойлголт мэдлэгийг дээшлүүлэх ач холбогдолтой.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-06-04 11:03

Клиник гэж эмнэлэг гэсэн үг. Яаж ч бодсон "хууль зүйн эмнэлэг" гэхээр сэтгэлд бууж өгөхгүй харш байна. Арай өөрөөр логикоор нэрлэвэл зүгээр. Гадаад хүмүүс нь ойлгохгүй гайхсан байх.

Холбоотой мэдээ

Back to top button