СПОРТ
ДАШТ-2021: М.Уранцэцэг, Л.Өнөболд нар ялагдан, дагаж барилдахаар боллоо
Жүдо бөхийн насанд хүрэгчдийн 2021 оны ДАШТ Унгарын нийслэл Будапешт хотод өнөөдөр эхэллээ. Энэ сарын 6-13-нд үргэлжлэх, 118 орны 665 (эрэгтэй 387, эмэгтэй 287) жүдоч эрэгтэй, эмэгтэйчүүдийн тус бүр долоон жин, багийн барилдаанд өрсөлдөж байна.
Эмэгтэйчүүдийн 48 кг-д зодоглож буй ДАШТ-ий алт, мөнгө, хүрэл медальт, Гавьяат тамирчин М.Уранцэцэг хэсгийн аваргын төлөөх барилдаанд Японы Кога Ваканад ялагдлаа. Ингэснээр дагах тойрогт Испани, Францын бөхийн аль ялагдсантай нь өрсөлдөхөөр болов.
Эрэгтэйчүүдийн 60 кг-д өрсөлдөж буй “Женко” клубийн бөх Л.Өнөболд мөн хэсгийн аваргын төлөөх барилдаанд Казахстаны бөхөд ялагдав. Ингэснээр дагах тойрогт Азербайжаны жүдочтой өрсөлдөхөөр боллоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.