УРЛАГ

Поп дива Ж.Алтанцэцэг, С.Сэрчмаа нар аялан тоглолт хийнэ

Монгол Улсын гавьяат жүжигчин, поп дива дуучин Ж.Алтанцэцэг дуучин С.Сэрчмаатай хамтран эх орноо тойрон аялан тоглолт хийх гэж байна. Тэд ирэх есдүгээр сарын 20-ноос эхлэн анхны тоглолтоо Увс аймгаас эхлэх төлөвлөгөөтэй байгаа аж.

Аялан тоглолтын талаар дуучин Ж.Алтанцэцэгээс тодруулахад “Бидний анхны хамтарсан аялан тоглолт есдүгээр сарын 20-ноос алс баруун хязгаар Увс аймгаас эхэлнэ. Өөрсдийн шилдгийн шилдэг дуунуудаа дуулж, сонсогчдодоо сюрприз барихаар бэлдэж байна. Маш гоё шинэлэг тоглолт хийхээр ярилцаж байна. Ер нь монголын рок попын дуучин бараг аялан тоглолт хийгээд байдаггүй шүү дээ. Тиймээс энэ удаа дуучин С.Сэрчмаатайгаа хамт эх орноо тойрохоор төлөвлөөд байна” гэв.

Дуучин Ж.Алтанцэцэгийн хувьд өнгөрсөн гуравдугаар сарын 8-нд “Корпорэйт конвеншн центр”-т “Хайр гэж…“ тоглолтоо хийсэн. Тэрбээр хамгийн сүүлд 2013 онд “Алтанцэцэг” тоглолтоо хийснээс хойш үзэгчидтэйгээ уулзаагүй байсан.

Б.АМАР

Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close