М.Бөхбат: Моллаеин дасгалжуулагч шавийнхаа төлөө гэр бүл, байгаа бүхнээ золиосолсон

“Токио-2020” олимпын наадмаас Монголын тамирчин Саид Моллаей мөнгөн медаль хүртсэн билээ. ДАШТ-ий алт, хүрэл медальт Моллаей Монголын тамирчин болох үйл явц хэрхэн өрнөсөн бэ. Түүний иргэншлийн асуудал, Монголын жүдочдын амжилтын талаар олимпын зэрэгтэй шүүгч, Гавьяат дасгалжуулагч М.Бөхбаттай ярилцаж байна. Тэрбээр энэ тухай:

Иргэншлээ солих асуудал тамирчдад түгээмэл тохиолддог. Өмнө нь Гайти улсын тамирчин ч мөн иргэншлээ сольж байсныг санаж байна. Моллаейн хувьд улсынхаа дарамтын улмаас иргэншлээ солихоос өөр аргагүй байсан. Моллаейг эх орондоо авчрах санаачилгыг анх Х.Баттулга анх гаргасан. Нэлээд чармайлт гаргасны дараа иргэншлийг сольсон.

Бидний зүгээс ч гэсэн хэдийгээр монголын тамирчин болсон нь түүний рейтинг авч үлдэх, хадгалахыг их хичээсэн. Чансаа нь тэг болчихвол маш хүнд. Моллаейн хувьд өмнөх рейтингээ авч, хадгалж үлдсэн нь цааш цаашдын спортын замналд маш чухал. Моллаей иргэншлийг солиход Ираны талаас биднийг шүүхэд өгсөн. Иргэншил солих үеийн процесс амаргүй байсан.

Тамирчин хүнд сэтгэл зүй, бэртэл гэмтлийн асуудал чухал. Моллаей тэмцээндээ бүхнээ зориулсан болов уу. Монгол түмэн минь ч гэсэн түүний нөхцөл байдлыг ойлгож хүлээж авсан. Ерөнхийлөгч асан Х.Баттулгатай жүдо, цаашлаад олимпын амжилт салшгүй холбоотой. Моллаейн дасгалжуулч шавийнхаа төлөө гэр бүлээ, байгаа бүхнээ золиосолсон” гэв.

ШУУД ҮЗЭХ:

Энэ мэдээнд өгөх таны үнэлгээ

Хуваалцаарай Жиргээрэй