“Brent” нэг баррель нь 69,82 америк доллар хүртлээ буурав
“Дельта” коронавирусийн шинэ хэлбэр Хятадын эдийн засагт сөргөөр нөлөөлж эхэлсэн гэсэн дохиогоор газрын тосны үнэ ийнхүү буурлаа.
Монголын цагаар 13 цагийн орчимд “Brent” маркийн газрын тосны ханш Лондонгийн “ICE Futures” хөрөнгийн бирж дээр 0,77 америк доллараар буюу 1,09 хувиар буурч, нэг баррель нь 69,82 америк долларт хүрэв.
Өнгөрсөн баасан гараг /2021.08.13/-т “Brent”-ийн үнэ 0,72 америк доллар буюу 1 хувиар буурч, нэг баррель нь 70,59 америк долларт хүрч байв.
Хятадаас авсан статистик мэдээллээр, долдугаар сард тус улсын хэд хэдэн бүс нутагт” COVID-19”-ийн тархалтын улмаас хязгаарлалтын арга хэмжээ авч, тус улсад аж үйлдвэрийн үйлдвэрлэл, жижиглэнгийн худалдаа удааширсан. Ийнхүү аж үйлдвэрийн үйлдвэрлэлийн хэмжээ өнгөрсөн оны мөн үеийнхээс 6,4 хувиар өссөн бөгөөд энэ нь арваннэгдүгээр сарын хамгийн доод түвшин бөгөөд зургадугаар сард 8,3 хувь байсан юм. Жижиглэнгийн борлуулалтын өсөлт өнгөрсөн сард зургадугаар сард 12,1 хувь байсан бол жил бүр 8,5 хувь болж буурсан байна.
“Vanda Insights” зөвлөх компанийг үүсгэн байгуулагч Вандана Хари хэлэхдээ, “Дельта” хувилбарын коронавирусийн халдвар тархаж буйтай холбоотой санаа зовнил газрын тосны зах зээлд ч хүндээр тусч байгаа. Энэ хүчин зүйл нь ялангуяа барууны орнуудын аялал жуулчлалын үйл ажиллагааг хязгаарлаж байна” хэмээн онцлов.
“Газрын тосны зах зээлийн тогтворгүй байдал АНУ, Хятадад “КОВИД-19”-ийн халдварын тархалт эрс буурах хүртэл үргэлжлэх төлөвтэй байна” хэмээн “Блүүмберг” /Bloomberg/ агентлагт өгсөн ярилцлагадаа дурьджээ.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Za benzinee 1800 bolgo odoo