Мухаммед Наим: Афганистаны дайн үүгээр дуусгавар болж байна

Афганистанд үүссэн нөхцөл байдалтай холбогдуулан Дэлхийн улс орнуудын дипломатчид болон энгийн иргэдийг нүүлгэн шилжүүлж буй цэргийн нисэх онгоцууд мягмар гараг /2021.08.17/-ийн өглөө буюу өнөөдөр Афганистаны нийслэл Кабул хотын нисэх онгоцны буудлаас нисч эхэлсэн талаар барууны хэвлэлүүд мэдээллээ.

Өмнө нь, Пентагон орон нутгийн цагаар 15:35 цагт даваа гариг /2021.08.16/-т ажил зогссоны дараа нисэх онгоцны буудал анхны цэргийн нисэх онгоцыг хүлээн авсан талаар мэдээлсэн.

Кабул хотын нисэх онгоцны буудал дахь эх сурвалжийн “Ройтерз” агентлагт хэлэхдээ, нислэгийн зурвасыг хүмүүсээс чөлөөлж, цэргийн нисэх онгоцууд хөөрч эхэлсэн гэв.

Гэсэн ч, “Нислэгийн Радар” вэбсайтын мэдээллээс харахад, дээрхи мэдэгдлийг хүлээн авах үед Кабул хотын дээгүүр агаарын орон зайд ямар ч нисэх онгоц байгаагүй гэсэн тайлбар хийжээ.

Сүүлийн хэдэн долоо хоногт Афганистан дахь нөхцөл байдал улам хурцдаж, талибанчууд томоохон хотууд руу дайрч эхэлсэн. Ням гарагт хэвлэл мэдээллийн хэрэгслүүд болон эх сурвалжууд “Талибан” хөдөлгөөний босогчид хилийн бүх боомтыг хяналтандаа авсан гэж мэдээлсэн.

Мөн ням гарагийн орой зэвсэгт этгээдүүд нийслэл Кабулд орж, Ерөнхийлөгчийн ордныг хяналтандаа авсан ч гэж мэдээлэв. Афганистаны Ерөнхийлөгч Ашраф Гани мэдэгдэхдээ, нөхцөл байдлыг улам хурцдуулж, гал дээр тос нэмэхээс урьдчилан сэргийлэх үүднээс эх орноосоо гарсан хэмээн мэдэгдлээ.

Өчигдөр /2021.08.16/ даваа гарагийн шөнө “Талибан” хөдөлгөөний улс төр хариуцсан албаны албан ёсны төлөөлөгч Мухаммед Наим хэлэхдээ, Афганистаны дайн үүгээр дуусгавар болж байгаа, тиймээс тус улсад засаглалын шинэ хэлбэр ойрын ирээдүйд тодорхой болно гэлээ.

(Эх сурвалж: ria.ru)

Энэ мэдээнд өгөх таны үнэлгээ

Хуваалцаарай Жиргээрэй