АНУ-д коронавирусийн халдвар авсан хүмүүсийн дунд 666,525 хүн нас баржээ
Холбооны болон орон нутгийн эрх баригчдын мэдээлэлд үндэслэн тооцоо гаргадаг Жон Хопкинсийн Их Сургуулийн мэдээлснээр, өчигдөр лхагва гараг /2021.09.15/-ийн оройны байдлаар АНУ-д шинэ коронавирусийн халдвар авсан хүмүүсийн дунд нийт 666,525 хүн нас барсан гэв.
Мэдээллийн “Си-Эн-Эн” /CNN/ агентлагийн иш татсан албан ёсны статистик мэдээгээр АНУ-ын хүн амын тоо өнгөрсөн 2020 оны дөрөвдүгээр сарын байдлаар 331,4 сая байсан байна. Хүн амын тоотой харьцуулахад тус улсын бараг 500 дахь иргэн бүр “COVID-19”-ийн халдварын улмаас нас бараад байгаа юм.
“Вашингтон Пост” /Washington Post/-ын тооцоолсноор АНУ-д коронавируст халдвар авсан нийт хүмүүсийн дөрөвний нэг орчим хувийг 85-аас дээш насныхан эзэлж байгаа аж.
Дээр дурьдсан Жонс Хопкинсийн Их Сургуулийн мэдээлснээр цар тахал дэгдэж эхэлснээс хойш АНУ-д 41,5 сая гаруй коронавирусийн халдвар авсан тохиолдол бүртгэгджээ. Тус улс халдвар авсан болон нас барсан хүний тоогоороо одоо Дэлхийд нэгдүгээрт бичигдэж байна. Сүүлийн үед халдварын шинэ тохиолдлын дийлэнхи хувийг “Дельта” хувилбар эзэлж байна.
(Эх сурвалж: Tass)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.