Сар бүрийн 03-ны өдөр цусаа бэлэглэх өдөр тохиодог билээ. Сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, тэднийг алдаршуулж урамшуулах зорилго бүхий Сар бүрийн 3 “Цусаа бэлэглэх өдөр”-ийн 79 дэх удаагийн арга хэмжээ 10 дугаар сарын 04-ний Даваа гарагийн 11 цагт болно.
Иргэдийн өгсөн нэг удаагийн цусаар улаан эс, ялтас эс, сийвэн зэрэг гурван төрлийн бүтээгдэхүүн үйлдвэрлэдэг байна.
- Ялтас эсийн бүтээгдэхүүн хүний биед 10-12 хоног амьдардаг. Донороос цус авчхаад 3-5 хоног хадгалах боломжтой. Нөөцлөх боломжгүй.
- Сийвэнгийн бүтээгдэхүүнийг таван жил хадгалж болдог болохоор нөөцтэй.
- Улаан эсийн бүтээгдэхүүнийг 21-42 хоног хадгалдаг.
ХЭН ДОНОР БОЛЖ БОЛОХ ВЭ
- 17 нас хүрсэн
- Эмэгтэй бол 45 кг
- Эрэгтэй бол 50 кг дээш биеийн жинтэй
- Өөрийгөө эрүүл гэж боддог ямар нэгэн өвчин зовуургүй, аль ч бүлгийн цустай хүн цусны донор болох бүрэн боломжтой.
ЦУСАА ӨГӨХИЙН ӨМНӨ
- Сайн унтаж амрах
- Урд орой нь өөх тос багатай хоол хэрэглэх
- Цус өгөхийн өмнө сүү, сүүн бүтээгдэхүүн, жимс, жүүс хэрэглэхгүй байх ёстой
- Спирт хэрэглсэн бол 72 цагийн дараа цусаа өгөх боломжтой” гэсэн юм.
“Цусаа бэлэглэж, цохилох зүрх бүхнийг аваръя”
Утас: 99072449
ЦУС СЭЛБЭЛТ СУДЛАЛЫН ҮНДЭСНИЙ ТӨВ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.