Өнөөдөр Ардчилсан намын бүлэг хуралдаж хоёр асуудлын талаар хэлэлцсэн байна. Бүлгээр хэлэлцсэн асуудлын тараар УИХ-ын гишүүн, бүлгийн дарга Д.Ганбат хэлэлцсэн асуудлыг танилцуулах үеэрээ виртуал хөрөнгийн талаарх байр сууриа илэрхийлсэн юм.
Тэрбээр, "Ардчилсан нам төсвийн тухайд хэд хэдэн байр сууриа илэрхийлсэн. Мөнгөний бодлогод койны асуудлыг хэлсэн ч анхаараагүй. Өнөөдөр ч бас анхааруулж хэллээ. Албан бусаар 8 их наяд төгрөг койны зах зээлд орсон. Яаралтай хуулиа батлах хэрэгтэй байна. Санхүүгийн хориг тавих олон улсын байгууллага буюу ФАТФ-аас удахгүй шалгалт хийнэ. Эл шалгалтыг дөрвөн жилд нэг удаа хийдэг. Энэ цаг нь ойртсоор байна. Тиймээс койныг зохицуулах хуулийг яаралтай батлах хэрэгтэй” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.