Засгийн газрын өргөтгөсөн хуралдаан болж байна. Хуралдаанд аймгийн Засаг дарга нар оролцож буй юм.
Ерөнхий сайд Л.Оюун-Эрдэнэ аймгийн засаг дарга нарт хандаж хэлэхдээ "Манай нутаг дэвсгэрийн 76 хувь нь цөлжилтөд өртсөн. 1990 оноос хойш ой мод ашиглах зөвшөөрөгдсөн хэмжээнээс дөрөв дахин хэтэрсэн. Иймээс ногоон хөгжлийн салбарт инновацийн шинэчлэл хийх шаардлага тулгарч байна.
Хог хаягдалгүй болсон, ногоон хөгжлийг дэмжсэн, цахим шилжилт хийсэн аймагт 2023 оны төсөвт дэмжлэг үзүүлнэ. Аймаг, нийслэл, сум, дүүргийн удирдлагуудыг хэрхэн дэмжихийг 2023 оны төсөвтэй нь уяж байгаа. Энэ жилийн улсын төсөв орон нутагт эрх мэдлийг нэмэгдүүлж байгаа. Орлого олох тусам түүндээ нийцсэн хөрөнгө оруулалт авдаг тогтолцоонд шилжинэ” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.