Ням гараг /2021.11.21/-ийн орой АНУ-ын Висконсин мужийн Уокеша хотод Зул сарын баярын парадын үеэр өндөр хурдтай явж байсан улаан өнгийн суудлын автомашин хүмүүсийг дайрч, хүний амь эрсэдсэн гэдгийг “Си-Эн-Эн” /CNN/ агентлаг хэргийн газарт байсан гэрчүүдийн яриаг иш татан мэдээллээ.
Суудлын жийп машин хаалтуудыг эвдлэн давж, баярын жагсаалд оролцож байсан иргэд рүү хүртэл давхин орсон байна. Мөн хэргийн газарт буун дуу сонсогдсон гэж эх сурвалж мэдээлэв. Баярын парадад оролцсон иргэдийг аюулгүй газарт нүүлгэн шилжүүлсэн аж. Уокеша хотын цагдаа нар оршин суугчдыг хотын төв рүү аль болохоор явахгүй байхыг уриалжээ.
Орон нутгийн “KFIZ” радио станцын нэрийг нь нууцалсан эх сурвалжийн мэдээлснээр, хэргийн улмаас 30 гаруй хүн хохирсон гэж байгаа юм. Парадад оролцсон хүмүүс рүү дайрсан жийп машины жолооч нь эрэгтэй хүн байсан гэх ба нэг хүний амийг хороосон гэжээ. Гэсэн ч, энэ нь албан ёсны батлагдсан мэдээлэл биш аж.
(Эх сурвалж: Mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Л А Л А Р ХАР Л А Л Л БАЙГАА БИЗ