Covid-19ДЭЛХИЙМэдээНийгмийншуурхай мэдээ

Японд “Омикрон” хувилбарт халдвартай анхны тохиолдол бүртгэгдлээ

Засгийн газрын албаны хүмүүсийн мэдээлснээр, Африкийн өмнөд хэсэгт орших Намиби улсаас ирсэн 30 гаруй насны эрэгтэйгээс коронавирусийн шинэ хувилбар “Омикрон” халдвар авсан нь батлагдлаа. Энэ нь Япон улсын хувьд “Омикрон” хувилбарт вирусийн халдвар авсан хамгийн анхны тохиолдол боллоо.

Тодруулбал, 2021.11.28-ны өдөр Африкийн өмнөд хэсэгт орших Намиби улсаас ирсэн 30 гаруй насны эрэгтэйд халдвар илэрчээ.

Тус иргэн “Нарита” нисэх онгоцны буудалд газардаад, хорио цээрийн тусгаарлалтын бүсэд шинэ коронавирусийн шинжилгээ хийлгэж, хариу нь эерэг гарсан аж.

Шинжилгээгээр “Омикрон” хувилбарт вирусийн халдвар авсан нь батлагдсан болохыг Японы Засгийн газрын албаны хүмүүс мэдээллээ. Тус иргэн гэр бүлийнхэнтэйгээ хамт зорчсон байсан тул тэднийг тусгаарласан ажээ.

Тус улсын Эрүүл мэнд, хөдөлмөр, нийгмийн хамгааллын яамнаас халдвар тээгчийн явсан чиглэл, ойрын харилцсан бусад хүмүүс байгаа эсэхийг нарийвчлан судалж эхэлжээ.

(Эх сурвалж: NHK News)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x