ДЭЛХИЙМэдээНИЙГЭМ

ОХУ Турк, Иран улсаас бараа импортлохыг хориглов

ОХУ-ын Роспотребнадзор буюу Хэрэглэгчийн эрхийг хамгаалах, хүний ​​сайн сайхны төлөөх хяналтын холбооны албанаас Турк, Иранаас жимс, хүнсний ногоо импортлохыг зогсоолоо. Энэ хоригт Орос улсад хориотой пестицид илэрсэн нимбэг, мандарин, чинжүү, усан үзэм, анар жимс багтжээ. Энэ талаар тус албаны цахим хуудсанд байршуулсан мэдэгдэлд дурджээ. Уг хоригт Турк, Ираны 33 үйлдвэрлэгчийн бүтээгдэхүүн багтсан байна.

“Жимс, хүнсний бүтээгдэхүүнд тавьсан хориг арга хэмжээний үр дүнд Туркээс 60,000 орчим тонн усан үзэм, 10,000 гаруй тонн анар жимсийг ОХУ-ын нутаг дэвсгэрт оруулахыг хориглосон” хэмээн Роспотребнадзор мэдэгдэв.

Москва дахь Роспотребнадзорын захиргаа Туркийн зарим үйлдвэрлэгч, Иранаас чинжүү нийлүүлдэг хэд хэдэн, мөн Египетээс хатаасан гаа үйлдвэрлэгч нэг компанийн хүнсний ногоо, жимс жимсгэний худалдааг зогсоох ёстой гэж жижиглэн худалдааны сүлжээнүүдэд анхааруулсан байна.

Анхааруулгад дурдсанаар, Хятадын зарим үйлдвэрт үйлдвэрлэсэн өндгөн шоколад, эрдэнэ шишийн гоймон, бэлэн гоймон, чипс зэрэгт мөн хориг тогтоов. Уг албан бичигт дээрх бүтээгдэхүүнд пестицид, генийн өөрчлөлттэй бодисын эсрэг шинжилгээ хийсэн ба лабораторийн шинжилгээ нь хангалтгүй гэж гарчээ. Олон олон хэрэглэгчдийг хүнсний бүтээгдэхүүнд хордох эрсдэлээс хамгаалахын тулд хүнсний бараа бүтээгдэхүүний импортыг түр зогсоосон гэж эх сурвалж дурджээ.

Роспотребнадзорт 2021 оны есөн сарын байдлаар шинжилгээнд хамрагдсан хүнсний дээжийн 16 хувьд нь пестицидийн үлдэгдэл илэрсэн гэж хэвлэлд мэдээлжээ. Шинэ жилийн баярын өмнөхөн тус албанаас Турк, Египет, Хятад, Герман, Уганда, Эквадор зэрэг орны бараа бүтээгдэхүүний чанар, аюулгүй байдалд тавих хяналтыг чангатгасан байна.

Үйлдвэрлэгчдээс хориглосон барааны импортын эзлэх хувь дотоодын зах зээлд нийлүүлэх бүтээгдэхүүний нийлүүлэлт тасарч байгаа тул барааны үнэ өсөх хандлагатай байгааг салбарын яамнаас мэдээллээ.

(Эх сурвалж: Forbes)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x