Монголын чөлөөт бөхийн холбооны түүхт 60 жилийн ой энэ онд тохиож байгаа билээ. Түүхт ойгоо тэмдэглэж буй чөлөөтийнхөнд баяртай мэдээ дуулгахад, чөлөөт бөхийн тамирчин, дасгалжуулагч, шүүгчдэд өнөөдөр төрийн дээд одон, медаль гардуулахаар болжээ.
ДАШ-ий мөнгө, Азийн АШТ-ий мөнгө, УАШТ-ий хошой алт, мөнгө, хүрэл медальт, ОУХМ Банзрагчийн Оюунсүрэн, ДАШТ-ий хүрэл медальт Б.Одончимэг нарт Монгол Улсын Гавьяат тамирчин цол өнөөдөр хүртээнэ.
Олон улсын дэвжээнд хоёрхон жил өрсөлдөхдөө оролцсон бүх тэмцээнээсээ медаль хүртэн, “Истанбул-2011” ДАШТ-д үзүүрлэн гялалзаж явсан Б.Оюунсүрэн бэртлийн улмаас 22-хон насандаа зодог тайлсан. Үүний сацуу дэлхийн дэвжээнд ганцхан удаа барилдахдаа дэд аварга болсон түүний амжилтыг төрөөс ийнхүү үнэлэхээр болов.
Өдгөө “Алдар” спорт хорооны дасгалжуулагчаар ажиллаж буй Б.Одончимэг ДАШТ-ий хүрэл, Азийн АШТ-ий дөрвөн мөнгө, гурван хүрэл медальтай, улсын аваргын 10 гаруй түрүүтэй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шоовдорт гавьяат өгөх ёстой шүү...