ДЭЛХИЙМэдээНИЙГЭМ

Нью-Йорк хотод гарсан түймэр 19 хүний аминд хүрэв

Нью-Йорк хотын Бронкс тойрогт байрлах 19 давхар орон сууцны барилгад гал гарч, 19 хүн, түүний дотор есөн хүүхэд нас барсан гэж “Ассошиэйтед Пресс” /Associated Press/ агентлаг мэдээлэв. Түймэр ням гараг /2022.01.09/-ийн 23:00 цагийн орчимд гарсан байна.

Нью-Йорк хотын дарга Эрик Адамс өөрийн “Твиттер” хуудсандаа “Өнөөдөр бид 19 хүнээ алдлаа. Энэ бол асар том эмгэнэл. Амиа алдсан иргэдийнхээ төлөө залбирцгаая, ялангуяа есөн хүүхдийн амь насны төлөө залбирцгаая” хэмээн жиргэжээ.

Хотын дарга Эрик Адамсын ахлах зөвлөх Стефан Рингель ням гарагт амиа алдагсдын тоог баталсан 19 байгааг баталжээ. Зөвлөх Рингелийн хэлснээр, тав гаруй хүн шархадсан бөгөөд одоогоор 13 хүний ​​биеийн байдал хүнд, эмнэлэгт эмчлүүлж байгаа аж.

Хүмүүс ихэвчлэн түймрийн утаанд угаартаж хордсон хэмээн Нью-Йорк хотын Гал түймрийн албаны /FDNY/ комиссар Дэниел Нигро мэдэгдэв. Нигрогийн хэлснээр, түймэр “Twin Park” барилгын хоёр, гуравдугаар давхарт байрлах хоёр давхар орон сууцанд гарчээ. Түймрийн эх үүсвэр нь байшингийн нэг орон сууцны унтлагын өрөөнд гарсан ба “цахилгаан халаагуурын гэмтэл” гарснаас болсон гэнэ. Байрны хаалга нь онгорхой байсан тул түймрийн утаа барилга даяар тархсан байна.

(Эх сурвалж: Associated Press)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x