Дэлхийн хамгийн баян арван хүн коронавируст цар тахлын үеэр хөрөнгө чинээгээ даруй 800 тэрбум ам.доллараар нэмэгдүүлсэн гэсэн судалгаа гарчээ. Харин яг үүний эсрэгээр энэ хугацаанд дэлхийн хүн амын 99 хувийнх нь орлого буурчээ. Энэ талаар “Оксфам” Төрийн Бус Байгууллагын тайланд дурдсан байна.
Дэлхийн хамгийн баян арван хүний хөрөнгө сүүлийн хоёр жилийн хугацаанд 700 тэрбум ам.доллараас 1.5 их наяд ам.долларт хүрсэн аж.
“Хэрвээ эдгээр арван хүн маргааш хөрөнгийнхөө 99.999 хувийг алдсан ч гэсэн дэлхийн хүн амын 99 хувиас ч өмнөх шигээ мөн л илүү баян хэвээр үлдэх байсан. Одоо тэдний хөрөнгө чинээ 3.1 тэрбум хамгийн ядуу зүдүү иргэдийн хөрөнгөөс зургаа дахин их байна” хэмээн “Оксфам” байгууллагын Гүйцэтгэх захирал Габриэла Буше онцлов.
Дэлхий дээр 26 цаг тутамд нэг тэрбумтан шинээр төрдөг бол дөрвөн секунд тутамд нэг хүн тэгш бус байдал, өөрөөр хэлбэл ядуу зүдүүгээсээ болж нас бардаг гэж тайлангийн зохиогчид тодотгожээ.
“Тэрбумтнууд коронавируст цар тахлын үеийг маш аз жаргалтайгаар өнгөрүүлж байна. Төв банкууд эдийн засгаа аврахын тулд санхүүгийн зах зээлд хэдэн их наяд ам.доллар зарцуулсан ч энэ мөнгөний ихэнх нь хөрөнгийн зах зээлийн өсөлтийн давалгаан дээр хөрөнгө нь өссөн тэрбумтнуудын халаас руу орсон” хэмээн Буше хэлэв.
Эл тайланд цар тахал өвчин нь эрэгтэй, эмэгтэй хүмүүс, цагаан арьстнууд болон үндэстний цөөнхийн хоорондын тэгш бус байдал, хөгжингүй болон хөгжиж буй эдийн засаг зэрэг дэлхий даяар тэгш бус байдлыг улам хурцатгасан гэжээ.
“Оксфам” дэлхийн улс орнуудын эрх баригчид, Засгийн газруудад хандан тэрбумтнуудын татварыг яаралтай нэмж, олсон орлогыг эрүүл мэнд, нийгмийн хамгааллын хөтөлбөр, уур амьсгалын өөрчлөлт, жендерт суурилсан хүчирхийллээс урьдчилан сэргийлэх арга хэмжээнд зарцуулахыг уриаллаа.
Тус байгууллага бол арьс өнгөөр ялгаварлан гадуурхах, хүйсээр ялгаварлан гадуурхах явдлыг арилгахын тулд хууль журамдаа өөрчлөлт оруулахыг дэмжиж, ажилтан, ажилчдын үйлдвэрчний эвлэл байгуулах зорилгоор үүсгэн байгуулагдсан.
Эцэст нь, “Оксфам”-ын үзэж буйгаар баян чинээлэг улс орнууд коронавирусийн эсрэг вакцины технологийг дэлхий дахинтай “хуваалцах” ёстой гэж үзэж байгаагаа илэрхийллээ.
“Мөнгө байхгүй, мөнгөний гачаал огт байхгүй. Засгийн газар тахлын эсрэг тэмцэлд 16 их наяд ам.доллар зарцуулснаар энэ бүхэн худал гэдэг нь ил болсон. Харин хэт их тэгш бус хуваарилалт, үйл ажиллагааны доголдол, үхлийн аюултай дөнгөнөөс гарахын тулд урам зориг, чин сэтгэлийн л гачаалд орсон. Улс орны Засгийн газрууд уур амьсгалын өөрчлөлтийн эсрэг тэмцэгчид, хар арьстнуудын дуу хоолой, феминистууд, тэгш бус байдлыг арилгаж, шударга ёсыг тогтоохыг шаарддаг тэдгээр бүх хүмүүс, хөдөлгөөн, нэгдлийн үзэл бодол, дуу хоолойг сонсох ёстой” хэмээн Буше онцлов.
Тайланд, “Credit Suisse” судалгааны хүрээлэн, Дэлхийн Банкны мэдээлэл, мөн “Форбес” /Forbes/ сэтгүүлээс гаргасан дэлхийн хамгийн баян хүмүүсийн чансааны тоо баримтыг ашигласан байна.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ugaasaa capitalism gedeg chine ene shuudee
hogiin yumnuudiin hurungiig taraagaachee
Хойд Америкд цагаачилж очисон Жүүдүүдийн хойч үе Дэлхийн толгой баячууд тэр чигээрээ жүүдүүд хамгийн аюултай этгээдүүд дээ
Odoo Koinoos gadna Em Tariani hywizaa Har Tamhinii Delhiin heregleenees bolj Cannabisig emchilgee bas Chiher bolgon yiödwerledeg bson geed nuguu talaar Aihtar Kapitalistyyd Mash ih Mungu olj bgaa!!!!! Technik Technolgi Medeeleliin Shaardlagig ylam Erchimjyylj ehelsen bhoor!!!!!!! Bid l Hyn Byr Ersdelgyi Zuw Ursgaltai ywahgyi bol Udaan Hygazaandaa ym Hezyy l bolood bgaag Anhaarch Zag Hojij Syyri Nuuz byh Tyilee Zohizyylj awahgyi bol Delhiin Gyilagchidiin Toond oroh geed bna!!!!!! Yadaj Ayulgyi Amidrah Ajillah Nuhzul, Corona Haldwart Uwchinuu Hyrdan Bagasgahgyi bol Mash Tom Ersdel ryy Orj bgaa Mungu chini ywaad Ugnu gedegiig Bid Deer Doorgyi Medehgyi Bol bolohoo bsan Zag gedeg ni Medregdeed ehellee shyydee....