Өнгөрсөн долоо хоногт буюу нэгдүгээр сарын 10-16-ны хооронд “КОВИД-19”-ийн коронавирусийн халдварын шинэ тохиолдол бүртгэгдсэн нь өмнөх долоо хоногтой харьцуулахад даруй 20 хувиар нэмэгдсэн хэмээн ДЭМБ долоо хоног тутмын тайландаа дурджээ.
Үүний зэрэгцээ, өнгөрсөн долоо хоногт “КОВИД-19”-ийн улмаас нас барсан хүний тоо өмнөх долоо хоногтой харьцуулахад өөрчлөгдөөгүй ч өвчлөл тасралтгүй нэмэгдсээр байгааг ДЭМБ онцлов.
ДЭМБ-ын мэдээлснээр, өнгөрсөн долоо хоногт дэлхий даяар “КОВИД-19”-ийн 18 сая шинэ тохиолдол бүртгэгдэж, коронавирусийн халдвар авсан хүмүүсээс 45 мянган хүн нас бараад байна. Коронавирусийн өвчлөл буурсан цорын ганц бүс нутаг бол Африк юм.
Нэгдүгээр сарын 16-ны байдлаар дэлхий даяар 323 сая гаруй батлагдсан тохиолдол бүртгэгдэж, 5.5 сая гаруй хүн нас барсан хэмээн ДЭМБ мэдээллээ.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.