НИЙГЭМ

ТОДРУУЛГА: Хамаатандаа зодуулж, гудамжинд хаягдсан хүүхдийг эмнэлэгт эмчилж байна

Төв аймаг Зуунмод суманд оршин суудаг иргэн Э согтуу үедээ ой, зургаан сартай хүүхдийг зодон, гудамжинд хаясан хэрэг гарсан талаар бид өмнө нь мэдээлсэн.

Энэ талаар НЦЕГ-ын Хүүхдийг гэмт хэргээс урьдчилан сэргийлэх хэлтсийн ахлах мэргэжилтэн, цагдаагийн хошууч Д.Оюунаас тодрууллаа.

-Энэ хэргийн талаар тодорхой мэдээлэл өгнө үү?

-“Бага насны хүүхэд гудамжинд хаягдсан байна” гэсэн мэдээлэл цагдаагийн байгууллагад ирсэн. Мэдээллийн дагуу шалгалтын ажиллагаа явуулахад, ой, зургаан сартай эмэгтэй хүүхэд биедээ гэмтэл авсан байдалтай байсан. Тухайн гэмт хэргийг үйлдсэн Э гэгч нь төрөл садангийн холбоотой.

Согтууруулах ундаа хэрэглэсэн үедээ тухайн гэмт хэргийг үйлдсэн байж мэдэх нөхцөл байдал тогтоогдсон. Одоогоор сэжигтнийг саатуулан шалгаж байна. Хүүхдийг эмнэлэгт эмчилж байгаа.

-Хүүхэд ухаан алдсан байсан гэсэн.

-Тийм ээ. Иргэдийн мэдээллийн дагуу шалгалтын ажиллагааг эхлүүлсэн.

-Сэжигтэн охиныг ташуураар зодсон гэх мэдээлэл бий. Үнэн үү?

-Одоогоор шалгалтын ажиллагааг хийж байна. Шинжээч эмч томилсон, шалгаж байгаа.

-Аав, ээж нь холбогдсон уу?

-Шалгалтын ажиллагаа үргэлжилж байна. Энэ талын мэдээллийг өгөх боломжгүй.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x