Цахим орчинд оюутнуудын биед халдаж, зодож буй багшийн хяналтын камерийн бичлэг цацагдсан. Тэгвэл уг үйл явдал нь Ховд аймаг дахь "Мирас" гэх нэртэй дотуур байранд болжээ. Тус дотуур байр нь өөр аймгаас Ховд аймагт суралцахаар ирсэн оюутнуудыг байрлуулж, сургалтын үйл ажиллагаа явуулдаг аж.
Энэ талаар Ховд аймгийн цагдаагийн газраас тодруулахад "хэрэг нээж тухайн багшаас мэдүүлэг авсан. Шалгалтын ажиллагааг эхлүүлсэн, үргэлжилж байгаа" гэлээ.
Харин оюутнуудаа зодсон гэх багш "Н" дараах тайлбарыг өглөө. Тэрбээр "Тухайн оюутнууд хоёр хоног сураггүй байж байгаад ирсэн. Бид олон газраар хайсан ч олж чадаагүй. Гэтэл Булган аймаг явчхаад ирсэн байсан. Гар хүрсэн нь мэдээж миний буруу, тухайн үед уураа барьж чадалгүй тийм үйлдэл гаргасан. Хариуцлагаа хүлээж ажлаа хүлээлгэж өгсөн. Цагдаагийн байгууллагаас дуудаж мэдүүлэг авсан. Манай дотуур байрыг "төрийн бус байгууллагын нэр дор шашны үйл ажиллагаа явуулж байна" гэх худал мэдээлэл гарсан байсан. Тийм зүйл огт байхгүй" гэлээ.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 хоногт Булган аймаг яваад буцаад ирж амжихгүй. Багш зүгээр "Булган явчихаад ирсэн байсан" гэж хэлсэн байх. Тэр нь Ховдын Булганыг хэлж байгаа юм.