Мягмар гараг /2022.02.15/-ийн өглөөний байдлаар дэлхийн хэмжээнд коронавируст халдварын бүртгэгдсэн тохиолдлын тоо 413,480,802-д хүрсэн хэмээн Америкийн Жонс Хопкинсийн Их Сургууль мэдээллээ.
Дэлхийн хэмжээнд “КОВИД-19”-ийн халдвар тархаж эхэлснээс хойш 5,826,378 хүн нас баржээ.
Хорин сая гаруй халдварын тохиолдолтой улс орнуудад АНУ, Энэтхэг, Бразил улс орсон хэвээр байна.
АНУ халдвар авсан болон нас барсан хүмүүсийн тоогоор тэргүүлж, “КОВИД-19”-ийн халдварын 77,919,052 тохиолдол бүртгэгдэж, нас барсан хүний тоо 922,473 болжээ.
Энэтхэг улс халдвар авсан хүмүүсийн тоогоор хоёрдугаарт орж, коронавирусийн халдварын батлагдсан тохиолдлын тоо 42,692,943, харин халдварын улмаас нас барсан хүний тоо 509,358 боллоо.
Гуравдугаарт Бразил орж, 27,552,267 хүн халдвар авч, үүнээс 639,151 хүн эндээд байна.
Дэлхийн томоохон үйл явдлуудын статистик мэдээллээр дагнасан “WorldoMeter”-ийн мэдээлснээр, мягмар гарагийн өглөө дэлхийн нэг сая хүнд ногдох нас баралтын төвшин 749.9 байна. АНУ-д нэг сая хүн амд 2,832, Энэтхэгт 363, Бразилд 2,972 хүн нас бараад байна.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.