Японы “HAY” компани монгол гэрийг санагдуулам гэрэл чийдэнгийн шинэ коллекц /цуглуулга/ гаргажээ. Тус компани үйлдвэрлэсэн шинэ коллекцоо “Рао” хэмээн нэрлэсэн ба гурван шинэ чийдэнгийн төрлийг гаргах юм байна.
Загвар зохион бүтээгч Фүкасава Наотогийн бүтээсэн гэрэл чийдэнгийн хэлбэр нь монгол үндэсний өргөө гэртэй адилхан.
“Pao” зөөврийн чийдэнг бат бөх гангаар хийжээ. Өнгөний хувьд улаан, хар, цагаан гэсэн сонголттой ба дулаахан , тааламжтай гэрэл ялгаруулдаг аж. Харин гэрлийн унтраалга нь далд байрладаг.
Гэрлийг зочид буудал, хурлын танхим, зоогийн газарт хэрэглэхэд тохиромжтой. Мөн таазнаас ч өлгөж болдог аж.
Гэр хэлбэртэй “Pao” гэрлийн цуглуулгыг “HAY” компанийн вэб хуудас болон жижиглэн худалдааны дэлгүүрүүдээр худалдаалж эхэлсэн ба 139-425 евро буюу ойролцоогоор 158-483 ам.долларын үнэтэй юм байна.
(Эх сурвалж: Central Asia News)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
мөөг хэлбэртэй л юм байна
Гэр гэхээс илүү мөөг хэлбэртэй харагдана.