Нийгмийн

Баянзүрх дүүргийн 15,18-р хороонд байрлах 73 гараашийн газрыг чөлөөллөө

Баянзүрх дүүргийн 15,18-р хороонд байрлах 73 гараашийг буулгаж газрыг чөлөөллөө. Тухайн байршил нь сургууль, цэцэрлэг орчмын бүс бөгөөд замын хөдөлгөөний ачаалал их байдаг. Мөн зарим хэсэгт хогийн цэг хүртэл үүссэн байсан юм.

Энэ үеэр Баянзүрх дүүргийн Засаг даргын орлогч Б.Батбаяр хэлэхдээ “Баянзүрх дүүрэгт газар чөлөөлөлт, орц гарц чөлөөлөх ажлууд энэ жил эрчимтэй хийгдэж цэгцэрнэ. Иргэдийн зүгээс маш их дэмжиж байгаа. Өөрийн гараашаа буулгуулж байгаа иргэд хүртэл нийтийн эрх ашгийг хангаж байгаа учраас заавал тохижилт хийж өгөхийг хүсч байна. Дүүрэг орон нутгийн зүгээс чөлөөлсөн газар элдэв барилга, байгууламж барихгүй.

Шаардлагатай эмнэлэг, цэцэрлэг сургуулийн өргөтгөл хийхээс гадна тухайн орчмын иргэдийн санал хүсэлтэд үндэслэж ногоон байгууламж, авто зогсоолын тохижилт хийж өгнө” гэлээ. Баянзүрх дүүргийн хэмжээнд 2022 ондоо багтааж нийт 50 байршил 1300 орчим гараашийг буулгаж газрыг чөлөөлөх төлөвлөгөө гарсан. Буулгасан гараашуудын оронд ямар тохижилт хийх талаар хамгийн түрүүнд иргэдээс санал асуулга явуулна. Хийх тохижилтыг Баянзүрх дүүргийн Хөрөнгө оруулалт, Бүтээн байгуулалтын төв, дүүргийн аж ахуй нэгжүүдтэй хамтран хийнэ гэж Баянзүрх дүүргээс мэдээллээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

Б. Бурмаа

Сэтгүүлч мэргэжилтэй. Сэтгүүл зүйн салбарт 11 дэх жилдээ ажиллаж байна. “Шилдэг залуу сэтгүүлч” болон “Ган үзэг” шагналтай.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-03-15 21:32

Сайн үйлс дэлгэрэх болтугай

Зочин
Зочин
2022-03-16 10:16

Энэ хотод чинь тэгээд гарааж ерөөсөө байж болохгүй хэрэг үү? Бүх машин гадаа тоос шороонд дарагдаад, өвөл нь хөлдөөд байж байх хэрэг үү? Яагаад өөрийнхөө мөнгөөр худ�##�даж авсан хүний өмч рүү ингэж улайран дайраад байга юм бэ? Нөхөх олговор олгохгүй бол шүүхэд хандана даа. Гаражгүй хүмүүст та�##�агдах гэсэн нэг ёсны зүүний нуг�##�аа байна.

Холбоотой мэдээ

Back to top button