Оросын бизнесмэн Михаил Прохоров Израилийн иргэншил авсан байна.
Михаил Прохоров бол ОХУ-ын Ерөнхийлөгчийн сонгуульд нэр дэвшиж байсан тэрбумтан юм. Энэ талаар “The Times of Israel” мэдээлжээ.
Тэрбумтан хэдхэн хоногийн өмнө Швейцариас хувийн онгоцоор Израильд ирж, тэр даруйдаа иргэншил хүссэн аж. Михаил Прохоров эхийн талаас эмэг нь еврей хүн байсан гэдгийг эх сурвалж онцолжээ.
“Блүүмберг” /Bloomberg/ агентлагаас гаргасан дэлхийн тэрбумтнуудын индексээр Михаил Прохоровын хөрөнгийн хэмжээ сүүлийн үеийн байдлаар 13,8 тэрбум ам.доллар байгаа нь Оросын хамгийн баян хүмүүсийн жагсаалтын 12-т бичигдэж байна.
Оросын олон бизнесмэнүүдээс ялгаатай нь тэрбээр Украин дахь Оросын цэргийн ажиллагаатай холбогдуулан АНУ-ын хориг арга хэмжээнд өртөөгүй, түүний хөрөнгийг царцаагаагүй байгаа аж.
Эх сурвалж: The Times of Isarael
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
gadaad buh medee oloh wm daa anar
evrei um bol yaaj ch orosiin uernhiilogchiin songulid ursulduj bsn um boldoo