Хэдийгээр дэлхийн эдийн засагт эрсдэл нэмэгдэж, эдийн засгийн төлөв байдал муудаж байгаа ч Монголын экспортын гол бүтээгдэхүүнүүдийн үнэ олон улсын зах зээл дээр өндөр хэвээр байна:
Хүснэгт: Түүхий эдийн ханшийн хөдөлгөөн
| Түүхий эд | Үнэ $ | 14 хоног | 1 сар | 1 жил | Оны эх |
| Алт | 1,958.3 | -1.5% | 2.6% | 13.4% | 0.8% |
| Зэс | 10,267 | 0.8% | 4.1% | 16.9% | 30.6% |
| Нефть | 120.7 | 7.1% | 24.6% | 94.8% | 136.2% |
| Төм.хүдэр | 136.5 | -3.4% | 6.6% | -11.3% | -9.3% |
| Нүүрс | 595 | -6.3% | 34% | 410.7% | 444.1% |
- Алтны үнэ 1958.3 ам.долларт хүрсэн нь жилийн өмнөхтэй харьцуулахад 13.4 хувь, нэг сарын өмнөхтэй харьцуулахад 2.6 хувь, харин оны эхэнтэй харьцуулахад 0.8 хувиар өссөн үзүүлэлттэй байна.
- Зэсийн үнэ 10,267 ам.доллар байгаа нь жилийн өмнөхөөс 16.9 хувь, оны эхэнтэй харьцуулахад 30.6 хувиар нэмэгдээд байна.
- Төмрийн хүдрийн үнэ 136.5 ам.долларт хүрсэн нь сарын өмнөхтэй харьцуулахад 6.6 хувиар нэмэгджээ.
- Коксжих нүүрсний үнэ 595 ам.доллар байгаа нь жилийн өмнөхөөс 4 дахин өндөр, харин сарын өмнөхтэй харьцуулахад 34 хувиар тус тус нэмэгдээд байна.
Харин ОХУ-Украины асуудал, ОПЕК-ийн Өргөтгөсөн бүлгийн орнуудын нийлүүлэлт зэргээс шалтгаалан нефтийн үнийн баррель нь $120.7 хүрсэн нь жилийн өмнөхөөс 94.8 хувь, сарын өмнөхтэй харьцуулахад 24.6 хувиар өссөн үзүүлэлт юм. Нефтийн үнийн энэхүү өсөлт бензин шатахууны үнийг өсгөж, улс орнуудад инфляцад нэмэлт дарамт болж буй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.