Украинд 40 тэрбум ам.долларын тусламж үзүүлэхийн тулд АНУ БНХАУ-аас мөнгө зээлнэ хэмээн сенатын гишүүн Рэнд Пол мэдэгдлээ. Учир нь, АНУ-ын төсөвт Киевийг дэмжих хөрөнгө байхгүй гэв.
Рэнд Пол Украинд дахин тусламж үзүүлэхийг эсэргүүцсэн сенатын гишүүдийн нэг юм. Түүний үзэж байгаагаар, “АНУ хилийн чанад дахь эцэс төгсгөлгүй зэвсэгт мөргөлдөөнд хөндлөнгөөс оролцох учиргүй” хэмээв.
АНУ-ын Сенатын танхим Украинд үзүүлэх тусламжийн төслийг өнөөдөр /2022.05.20/ олонхын саналаар баталлаа. Өмнө нь, Ерөнхийлөгч Жо Байден Украинд 33 тэрбум ам.долларын тусламж үзүүлэх саналыг гаргаснаас гурван долоо хоногийн дараа ийнхүү Сенатын танхимаар зөвшөөрүүллээ.
Хуулийн төслийг Сенатын танхимын гишүүд 86-11 саналын харьцаатайгаар баталж, Жо Байдены харъяалагддаг Ардчилсан Намын бүх гишүүд дэмжсэн бол Бүгд Найрамдах Намын 11 гишүүн эсрэг санал өгчээ.
Ерөнхийлөгч Жо Байден ойрын хугацаанд төсөлд гарын үсэг зурснаар хэрэгжиж эхлэнэ. “New York Times” сонинд мэдээлснээр, гуравдугаар сард Украинд илгээсэн 13.6 тэрбум ам.долларын тусламжийг оролцуулаад авч үзвэл Конгрессын хувьд сүүлийн хорин жилийн хугацаанд баталж байгаагүй хамгийн том гадаадад үзүүлж буй тусламжийн багц гэдгээрээ Америкийн улс төрийн түүхэнд бичигдэхээр боллоо.
Эх сурвалж: New York Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Жилийн дараа ч биш 5 сарын дараа тусламж нь зогсох юм байна даа.Турхир�##�танд орсон УКРАЙНЫ нацистууд үнэнд гүйцэгдэнэ дээ.УКРАЙНы ард түмэн дайны хөлд нэрвэгдэв
Дайнд зориулагдах мөнгийг хятад зээл өгөх үү.Нүүрсэнр ажилладаг уурын зуух барихад гадны орнууд хөрөнгө мөнгө зээлэхээ больчихсон шүү дээ.