Түүхэндээ анх удаа трансжендер “Барби” хүүхэлдэй худалдаанд гарлаа
“Барби” хүүхэлдэйний эрхийг эзэмшдэг Америкийн “Mattel” /Маттел/ компани түүхэндээ анх удаа трансжендер “Барби” хүүхэлдэйг худалдаанд гаргалаа. Хүүхэлдэйн цуглуулгыг тоотой хэдэн ширхэгээр, шилдэг гэх тодотголтой эмэгтэйчүүдэд зориулан үйлдвэрлэсэн талаар “The Washington Post” сонин нийтэлжээ.
Эл хүүхэлдэйг бүтээхэд трансжендерүүдийн эрхийн төлөө тэмцэгч, жүжигчин Лаверна Кокс биечлэн оролцсон аж. Чухам түүний царай төрхөөр трансжендер хүүхэлдэйг бүтээжээ.
Шинэхэн гарсан трансжендер “Барби” хүүхэлдэйг хэрхэн харагдахыг Лаверна Кокс “Youtube” сувагт үзүүлсэн байна. Жүжигчин тэрбээр хэлэхдээ, “Трансжендер “Барби” нь нийгэмд гадуурхагдсан хүүхдүүдэд итгэл найдвар төрүүлж, тэдний өмнө олон боломж байгааг ойлгоход тусална гэдэгт найдаж байна” гэсэн юм.
Шинэ “Барби” хүүхэлдэй нь 40 ам.долларын үнэтэй ба борлуулалтаас олсон орлогын тодорхой хэсгийг трансжендер хүмүүсийн эрхийг хамгаалдаг буяны үйлсэд хандивлах аж.
Сонирхуулахад, үүнээс хэдэн долоо хоногийн өмнө “Mattel” компани сонсголын аппараттай шинэ “Барби”-г танилцуулж байсан. Мөн 2019 онд зүүн хөл нь хиймэл, тэргэнцэртэй хүүхэлдэйг үйлдвэрлэж байжээ.
Эх сурвалж: The Washington Post
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
hun gedeg amitanii muhul ni oirtoj bgaan bhdaa