ДЭЛХИЙ

ДЭМБ: Дэлхийн хэмжээнд сармагчны цэцэг өвчний 780 тохиолдол бүртгэгдлээ

Дэлхийн хэмжээнд сармагчны цэцэг өвчний 780 тохиолдол бүртгэгдсэн талаар ДЭМБ мэдээллээ.

Тавдугаар сарын 13-наас зургаадугаар сарын 2-ны хооронд эл өвчний  тархалтгүй 27 орноос халдварын тохиолдлын мэдээлэл ирсэн хэмээн ДЭМБ онцлов.

Тавдугаар сарын 26-наас зургадугаар сарын 2-ны хооронд сармагчны цэцэг өвчний халдварын 523 шинэ тохиолдол илэрсэн юм. Зургаадугаар сарын 2-ны байдлаар эл өвчнөөр нас барсан тохиолдол харин бүртгэгдээгүй хэмээн мэргэжилтнүүд мэдээлэв.

Их Британи /207/, Испани /156/, Португал /138/ гэсэн орнууд хамгийн их халдвар бүртгэгдсэн улсад тооцогдож, тэдгээрийн араас Канад /58/, Герман /57/, Франц /33/, Нидерланд /31/, Итали /20/, АНУ /19/ болон Бельги /12/ оржээ. Бусад оронд тохиолдлын тоо арваас хэтрэхгүй байгаа юм.

ДЭМБ сармагчны цэцэг өвчний дэлхийн хэмжээнд тархах эрсдэлийг дунд зэрэг гэж үнэлсэн.

Өмнө нь, “CDC” эмнэлгийн зохицуулагч байгууллага дэлхийн 29 оронд сармагчны цэцэг өвчний халдвар авсан 900 гаруй тохиолдол илэрсэн талаар мэдээлж байсан юм.

Эх сурвалж: BBC

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x