АНУ-аас ОХУ-д суугаа Элчин сайд Жон Салливан “Тасс” агентлагт ярилцлага өгчээ. Тус ярилцлагадаа "Украины дайны улмаас АНУ, ОХУ зөрчилдөөнтэй байгаа хэдий ч, дипломат харилцаа нь тасрахгүй" хэмээн мэдэгдсэн байна.
Түүнчлэн тэрбээр "Үүний нэг тод жишээ НҮБ-ын Аюулгүйн зөвлөлийн хурлын үеэр хоёр орны төлөөлөгчид нэг байранд байрлаж, харилцаа холбоогоо хадгалж, ЭСЯ-аа харилцан ажиллуулсан хэвээр байгаа" гэдгийг онцолжээ.
Оросын цэргүүд Украин руу довтолсноос хойш АНУ, ОХУ гэсэн дэлхийн хоёр том гүрний хооронд нэлээдгүй зөрчилдөөн үүссэн.
Улмаар ОХУ-ын эсрэг олон хориг арга хэмжээ аваад байгаа юм. Гэсэн ч, дипломатч Салливаны хэлснээр, "Вашингтон, Москва цаашид гадаад харилцаа болон бусад салбарт хамтран ажилласаар байх болно" гэсэн юм.
Эх сурвалж: Thehill
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.