Байгаль орчин аялал жуулчлалын сайд Б.Бат-Эрдэнэ, “UBCAB” компанийн захирал Н.Отгонбаяр нар хамтын ажиллагааны санамж бичигт гарын үсэг зурлаа. Тус санамж бичиг нь Монгол улсын урт хугацааны хөгжлийн бодлого, Засгийн Газрын 2020-2024 оны үйл ажиллагааны хөтөлбөрийн Ногоон хөтөлбөрийн бодлого, Агаар, орчны бохирдлыг бууруулах Үндэсний хөтөлбөрийн холбогдох арга хэмжээг дэмжин хэрэгжүүлэхэд чиглэж байгаа юм.
Тодруулбал,”UBCAB” компани эхний ээлжинд утааг бууруулах тэр дундаа тээврийн хэрэгслийн яндангаас агаарт ялгарах бохирдуулагч бодисыг шүүх утаа шүүгчийг өөрийн компанийн 1000 автомашины автомашинд суурилуулна. Цаашлаад компанийн үйлчилгээний 12000 автомашинд уриалах юм. Мөн яндандаа утаа шүүгч суурилуулсан жолоочийг “UBCAB green” үйлчилгээнд шилжүүлж, татварын хөнгөлөлт,урамшуулалд хамруулах боломжтой болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.